又到左選科季節，同學們係咪好煩惱唔知點揀好？其實無論係中學選科定係大學選科，大家係決定之前都應該要多角度思考，增進自己對學科的認知，先可以 make informed decisions，為自己將來做好打算，今日我就等我同大家講吓係選科嘅時候有咩要留意啦！
1. 興趣
星爺教我地：做人如果無夢想，同條鹹魚有咩分別呀？無錯，大家係選科之前第一樣應該要考慮嘅就當然係對學科嘅興趣啦！如果係大學揀左無興趣嘅科目，分分鐘你大學四年嘅光陰就浪費左係一樣自己唔鍾意，甚至係討厭嘅嘢度。唔鍾意一樣嘢，又點會做得好呢？只有有興趣嘅事，先可以令人出盡全力去做。
2. 強項弱項
雖然興趣係重要，但做唔做到又係另一回事。個個都鍾意打機，唔通個個都去做職業選手咩？有夢想固然重要，但都要同學認清自己嘅能力，先再選自己心儀嘅科目。就以我中學讀書為例，好多同學都想讀理科，但係數學科都考唔到合格嘅成績，咁又點會係高中讀得好呢？
3. 就業前景
係滿足左以上兩點之後，同學其實仲會常常忽略左最後呢一點嘅重要性。無錯，就係行業嘅前景。要係呢個社會生存，就必須要有養活到自己嘅工作。有不少同學一心想做一個大畫家，每日沉醉係藝術嘅世界當中。咁樣做雖然係可以追尋自己嘅夢想，但係究竟有無足夠的金錢係物價昂貴嘅香港生活呢？
總結
天生我才必有用，每個人都一定有自己擅長嘅地方。只要將自己嘅長處好好發揮，相信一定能夠係社會上面發光發亮。不過係咁講，無論係中三選科定jupas選科嘅時候都一定係用成績黎衡量，唔足夠嘅 DSE 分數又點揀到心儀嘅科目呢？唔緊要，即刻黎 名師補習中介 搵一個心儀嘅 私人補習 導師，幫你考好成績，咁就揀咩科都無問題啦！
Comments